Baru sadar kote kalo so nda ada kesempatan...

Yah,,, tu cewe dunk baru sadar kalo dia so ilang kesempatan.

Nasi so jadi bubur lei mo apa. Mo bilang so nda ada guna lei. Mar mo beking bagimana dunk nie keadaan supaya mo tabale sama denk dulu??, nyanda mungkin lah. Cewe itu cuman bisa manyasal deng apa yang dia buat kalamarin..  Cuma para beking saki hati jo kalo mo inga-inga. asi kwa pe banyak tu laeng. Mar tu laeng yang mana dank cewe? itu pertanyaan dan pernyataan yang ta timbul pa tu cewe pw pikiran, yang beking dia cuma merenung sampe skarang. Mo sampe kapan bagitu??

Tu hari kwa, nie cewe katu suka pa nie cowo, mar nie cowo sto bage pura-ura nintau. Pertama nie cewe masih ja se biar kalo nie cowo pe kalakuan beking talebeh pa nie cewe, mar krna talebeh trus nie cewe so jadi rasa suka. sampe-sampe kwa dorang ada bajalang sama-sama, makang sama-sama, pokonya ada kegiatan bersama katu noch... Nie cewe karna so biasa pacaran jadi so tau-tau katu kalo ni cowo memang suka pa dia. mar nintau kiapa nie cowo cuman stengah-stengah ja setunjung depe perasaan pa nie cewe. so ini tu beking nie cewe bingo stengah mati. bingooooooooo skaliiii, tiap hari nie cewe salalu ja perhatikan nie cowo pe kalakuan, kong katu amper tiap hari ada perkembangan. 

Sampe satu hari, nie cowo p kalakuan berubah skali e.. nie cewe otomatis katu lebeh bingo. kong kiapa dia bagini dank? apa qt da beking kong dia jadi bagini? so biasa baku sms, skrg so nda ja baku sms, biasa ja baku chating, mar skrg so jarang denk amper-amper so nda pernah. pe kasiang skali katu nie cewe. denk sampe skrang nie cewe masi nintau kiapa nie cowo berubah.. kong bukang hanya itu lei, nie cewe lia-liar kiapa dia akhir-akhir ini ja baku dekat denk depe tamang kata bukan denk dia. dia lei so lebeh bingo. nie cewe tre so rasa nda sadap denk depe tamang. jadi, palang-palang nie cewe so ja ba tarek diri dari pa dorang. mar pertama-pertama nda ja mempan, mar serta so lama-lama mempan jo kote... satu kali nie cewe tes pa nie cowo. kong berhasil noch katu, tu cowo pe kalakuan rupa sama denk dorang da dekat-dekat tempo itu. kng katu nie cewe kase trus noch depe pengamatan. dia ja iko trus nie cowo p perkembangan. bagimana nie cowo kalo baku dapa denk nie cewe, ato denk depe tamang. depe tamang lei menurut nie cewe suka pa nie cowo, makanya nie cewe bingo sebenarnya nie cowo suka pa sapa so?? kiapa bagini dunk? yah, mar memang dasar cewe, pe lia depe tamang so lebeh dekat denk nie cowo ini, dia so saki hati skali.

Mar depe tamang rupa nda barasa kang, kalo depe temang ini tiap hari so kanyang ja makang hati.kong depe laste, nie cewe memang so nda berharap.. mar nie cewe katu ada berharap noch, suatu saat dunk pasti mo ada ulang kwa tu perasaan tempo itu. sampe skrang koman, tu kesempatan itu so nda ada. tu cewe dulu sto so ada yang ganti. sapa tau depe tamang. mo manyasal, so nda ada guna. lebeh bae sudah jo tre. ada kwa tu laeng, mar pe susah noch. jadi nda usah jo tre samua. kong skarang, tu cewe baru sadar kote kalo dia so nda ada kesempatan. so ilang tretu waktu da tunggu-tunggu. mar sapa tau noch katu waktu ka depan, tu cowo boleh sadar,, sadar jo denk depe perasaan. tu cewe katu berharap kalo butul  tu cowo memang pernah sayang pa tu cewe, tu cowo bilang jo jujur kwa, "qt pernah sayang pa ngana" itu so beking tu cewe puas. mar kalo tu cowo nda sadar katu nda apa-apa. anggap da buang soe jo... ^^